Wasaaradda shaqada, shaqaalaha, dhallinyarada iyo ciyaaraha dawladda Puntland oo kaashanaysa Baanka adduunka ayaa qabatay shir lagu soo gunaanadayo siyaasado gaaraya 14 siyaasadood kuwaas oo loogu talo galay tayaynta hay’adaha dawladda iyo horumarinta shaqaalaha.

Siyaasadahaan oo ay soo diyaariyeen xeeldheereyaal isugu jira Soomaali iyo Ajaanib isla markaana ay in muddo ah laga samaynayey latashiyo kala duwan ayaa lasoo gaarsiiyey heer gebagebo ah iyadoona maanta loo diyaarinayo in lagu sameeyey indho indhayn guud kadibna loogu gudbiyo goleyaasha dawladda si ay u meel-mariyaan.

Siyaasadaan ayaa waxaa kamid ah siyaasadda maamulka shaqaalaha, siyaasadda hawl-gabka, siyaasaddaa tayaynta iyo tababarka shaqaalaha, siyaasadda axshaxa iyo la sosocdka shaqaalaha, iyo siyaasadda qiimaynta iyo kor u qaadista aqoonta shaqaalaha.

Kulanka ayaa waxaa goob joog ka ahaa Wasiirka Wasaaradda Cabdiraxmaan Sheekh Axmed, Wasiir kuxigeenka Cabdi Ismaaciil, iyo Agaasimaha hay’adda Astaynta Maamul Wanaagga iyo la dagaallanka musuqmaasuqa iyagoona dhammaantood kelimada bogaadin dhiirrigelin iyo dardaaran ah ka jeediyey goobta.DSC_0003 DSC_0007 DSC_0009 DSC_0011 DSC_0012 DSC_0014 DSC_0015 DSC_0017 DSC_0019 DSC_0020 DSC_0021 DSC_0023 DSC_0025 DSC_0026