Wasaaradda shaqada shaqalaha dhallinyarada iyo ciyaaraha dawladda Puntland oo kaa shanaysa mashruuca tayaynta hay’adaha dawladda ayaa maanta Garoowe ku qabatay tababar socon doono muddo labo toddobaad ah kaas oo shaqaalaha lagu tababari doono hannaanka kaydinta iyo ilaalinta xogta dawladda (Record and Archive management)

Tababarka ayaa waxaa si gaar ah diirradda loogu saari doonaa shaqaalahana loogu fahamsiin doonaa habka isticmaalka iyo fulinta siyaasadda kaydinta xogta dawladda taas oo dhowaan la diyaariyey isla markaana iyadu noqon doonta habraaca rasmiga ah ee hannaanka kaydinta xogta dawladda.

Munaasabadda ayaa waxaa kasoo qayb galay Wasiir kuxigeenka Wasaaradda shaqada iyo Shaqaalaha Cabdishire Ismaaciil, guddoomiye kuxigeenka hay’adda shaqaalaha rayidka ah  Jaamac Xirsi Faarax, Agaasimaha waaxda kaydka Madaxtooyada Yuusuf Cabdi Soome , Agaasimaha Waaxda Maamulka Wasaaradda Shaqada ahna kusimaha Agaasimaha guud iyo Mrs Rosa oo ah khabiir dhanka Arkiifiyada ah oo tababarkaan bixin doonta.

Agaasimaha waaxda Arkiifiyada Madaxtooyada Yuusuf Cabdi Soome oo ahaa hal abuurihii hindisey barnaamijkaan baahida loo qabo oo shirk ka hadlay ayaa ku dheeraaday muhiimadda uu barnaamijkaani u leeyahay guud ahaan dawladda Puntland isagoona ku boorriyey shaqaalaha dawladda inay maskaxda ku hayaan in akiifiyada dawaladdu ay kamid tahay hantida ma guurtada ah ee dawladda.

Sidoo kale guddoomiye kuxigeenka hay’adda shaqaalaha rayidka ah  Jaamac Xirsi Faarax oo isagu shirka hadal ka jeediyey ayaa ku dheeraaday muhiimadda uu barnaaminkaani leeyahay isagoona xusay in shaqalahaan la tababarayo ay yihiin shaqaale la soo xulay oo kasoo bixi kara shaqadaan loo tababarayo  isagoona kula dardaarmay in loo baahan yahay in ay masuuliyad dheeraad ah isasaaraan.

Ugu dambayn Wasiir kuxigeenka Wasaaradda shaqada iyo Shaqaalaha Cabdishire Ismaaciil oo shirka furay ayaa shaqaalaha ku baraarujiyey sida ay dawladda uga go’antahay in la sameey o kayd weyn oo mideysan oo ay dawladdu leedahay sidaa awgeedna ay shaqaalahaan tababarka qaadanayaa ay yihiin cidda rasmiga ah ee wakiillada uga ahaan doona dawladda.

DSC_0027 DSC_0033 DSC_0034 DSC_0037 DSC_0039 DSC_0040 DSC_0045 DSC_0046 DSC_0048 DSC_0049 DSC_0051 DSC_0056 DSC_0057 DSC_0059 DSC_0060 DSC_0062 DSC_0064 DSC_0065 DSC_0068 DSC_0070 DSC_0072 DSC_0073 DSC_0077 DSC_0079 DSC_0080 DSC_0087 DSC_0090 DSC_0094 DSC_0097