Shirweynaha Madasha bandhigga tayada Maamul ee Hay’adaha dawladda Puntland oo muddo labo maalmood ah ka soconayey magaalada Garoowe ayaa maanta lasoo gebo gebeeyey iyadoona gunaanadkii shirk laga soo saaray warmurtiyeed la xiriira waxyaabihii shirka looga hadlayey muddadii uu socdey.

Madasha ayaa maanta waxaa looga hadlayey  hannaanka maamul baahinta Puntland oo ay soo diyaarisay Wasaaradda Arrimaha gudaha iyo dawladaha hoose ee Puntland, iyadoona ay wasaaraddu soo bandhigtay guulaha laga gaarey dhismaha goleyaasha deegaanada Puntland iyo caqabadaha kasoo laabtay qayb kamid ah goleyaashii la dhisay.

Sidoo kale waxaa madashasha looga hadlay hannaanka maaraynta maaliyadda Puntland iyo marxaladihii ay soo martay laga soo bilaabo xilligii la’aasaasay Puntland ilaa iyo maanta oo laga gaarey guulo waaweyn inkasta oo ay jiraan dhalliilo aan la inkiri Karin oo mararka qaarka lagu dhalliilo dawladda oo la xiriirta dhanka maaraynta maaliyadda.

Ugu dambayn shirka waxaa laga soo saaray warmurtiyeed la xiriira waxyaabihii shirka laysku weydaarsadey waxaana laysa qaatay inay madashan joogteynteedu muhiim u tahay tartan dhexmari kara hay’daha dawlad goboleedyada iyo guud ahaan hay’adaha dawladda Federaalka Soomaaliyeed

DSC_0641 31092111_183374839140946_4254078661881233408_n 31131049_183374882474275_816784088277975040_n DSC_0627 DSC_0631 DSC_0632 DSC_0635 DSC_0641 DSC_0652 DSC_0656 DSC_0663 hh