Qardho, Luulyo, 14, 2019: Madaxweyne Ku-xigeenka Dowladda Puntland Mudane Axmed Cilmi Cismaan Karaash ayaa magaalada Qardho ka dhagax Dhigay xafiiska dhallinyarada gobolka Karkaar, kadibna Kormeeray Xerada ciidanka Xorgoble.

Dhagax dhigga xafiiska dhallinyarada ayaa waxaa Madaxweyne Ku-xigeenka ku wehelinaayey maamulka gobolka Karkaar, Kan degmada Qardho, Ku-simaha Guddoomiyaha dhallinyarada gobolkaasi iyo masuuliyiin kale.

Madaxweyne Karaash ayaa tilmaamay in uu ka qayb qaadanayo hirgelinta dhismaha xafiiskaasi, waxa uu xusay in dhallinyarada degmada Qardho haldoor u yihiin dhallinta Puntland.

Sidoo kale Madaxweyne Ku-xigeenka Puntland ayaa dhallinyarada kula dardaarmay inay ka wada qayb-qaataan dhismaha xafiiska, waxaana uu tilmaamay in isku duubnida dhallinyarada ay horseed u tahay horumarka iyo dhismaha dalka.

Dhinaca kale Madaxweyne Ku-xigeenka Dowladda Puntland ayaa faray maamulka gobolka Karkaar inay taageeraan dhallinyarada, si ay ugu niyaadsamaadaan aaminaadda dalkooda, waxaana uu bogaadiyey wadashaqaynta hore ee ka dhexeysey maamulka iyo dhallinyarada Gobolka.

Ugu dambayn, Madaxweyne Ku-xigeenka Dowladda Puntland Mudane Axmed Cilmi Cismaan Karaash ayaa kormeeray xerada ciidanka Xorgoble, taasi oo uu dhowaan Madaxweynaha Puntland Mudane Siciid Cabdullaahi Deni dhagax dhigay dhismihiisa oo haatan la dhammaystiray, si tayolena loo qaabeeyey.

-DHAMMAAD-
XAFIISKA WARFAAFINTA MADAXTOOYADA DOWLADDA PUNTLAND.1P8A4039 1P8A4053 1P8A4115 1P8A4149 1P8A4151 1P8A4178 1P8A4186